التحظير لرحلة صيد سمك

[drrany noufal]

أرجو المساعدة مِن مَن لديه الخبرة
كيفية التحظير لرحلة صيد السمك ( يعني المواد الازمة لصناعة صنارة الصيد مع طريقة صناعتها-بالإضافة لباقي الحاجيات مثل طعم السمك و غيرها....و الطريقة الفضلى للصيد.....)
بحيث يتمكن الشخص من قضاء رحلة ممتعة و مثمرة بنفس الوقت
سلامي و احترامي للجميع

[drrany noufal]

شو شباب وين المساعدة

[قرواني ومايهاب الموت]

http://up4.m5zn.com/9bjndthcm6y53q1w0kvpz47xgs82rf/2009/12/10/05/9apzc0z5z.jpgاي حبيب هلا بيك وباشر بلمعلومات
رح قلك كل شي بلزمك لرحلة الصيد
1:عدة الشاي غاز سكر شاي مي حلوي هي اهم الشي
3:2 علب حلاوة فاضي الاولى مليانة مكدوس والثانية مليانة زيتون والثالثة اكلة بايتة مثل المفركة او كوسا على بيض او باطرش او هيك شي
3:ربطة خبز من الفرن وخيار وبندورة وقرنين فليفلة وبقدونس
4: شي اربع خمس باكيتات حمرا طويلة و3 قداحات
5:خبز يابس شي رغيفين ثلاث انقعهون بلمي وحط فوقهون ملح وازا في كعب ماجي واعجنهون
هدول طعم للسمك
6:ضوايات مشان بليل
7 قصب فبر 3 قصبات 3 متار و5 متار قصبتين
8:بطانية وطراحة ومخدتين ومركا
9: ركاب حديد
10: بانزين للمتور وقول الله
هاد الي بعرفو صراحة على هوا خبرتي

[م.حمزة العبيد]

طيب واذا اجا الواحد ع بالو كاسة متي

ولا تنسى القداحات لازم يكونو بضو من تحت او بتاخذ معك شاحن كهربا ورح تعمي عيون كل اللي حواليك من الضو
وخيو بتظل كل الليل قاعد قبال هالقصبة وبتزيغ عيونك على بي نقر وما بي نقر
بالاخير بتبلش بالسب على ابو الاقفاص واللي بيزتوهن وابو الشبك وابو اللي بيزتو
وبترجع عالدار لايص حالك بريحة السمك من فوق لتحت ومدري معك فرخ مدري فرخين اصغر من القداحة

ملاحظة: ما حبيت اكتبلك د راني شو بيلزمك من اول ما كتبت لانو بحياتك ما رح ترجع تروح ع السد مرة ثاني

لهيك بتروح لعند مؤسسة الكهرباء الصبح وبتشتريلك شوية سمك وخلصت يا عرب..........................

[قرواني ومايهاب الموت]

هههههههههههههههههههههه تحياتي الك اخي حمزة بس الشغلة مو بلفرخ او الفرخين بس والله قعدة بلسد من العمر

[م.حمزة العبيد]

اي كمان خيو بس تشوف هال...........................
عم يسووا هيك بالسد

بيصيبك اكتئاب
لانو كانو ما بي غير القريتين بالعالم بيها سد وسمك

بيعينا الله على اللي ابتلينا بي من كثر الناس اللي بتفهم

[drrany noufal]

مشكورين كتير شباب ع المساعدة و أكيد أهم شي المتة