اجمل قصائد عبدالرحمن بن مساعد التي غناها فنان العرب

[قرواني من شوقي اعاني]

اجـــــــــــمل قـــــــصائد الامــــــــــير عـــــــبدالرحمن بـــــــــــــن مســــــــــــاعد

الــــــــــتي غــــــــــــــناها فــــنان العــــــــــرب محـــــــــــمد عبــــــــــــدو



قــــــــــــــــــصيدة الـــــــــبرواز


قلتيلي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
أشوفها في خاطري
حبيبتي ما بيدي حيلة
لا صرتي الصورة وعيوني البرواز
وشلون ابنسى
أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبهلك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى
حبيبتي لأجل أنسى جرحك واستريح
بأبكي .. وبعد البكى بأبكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد بنسى




قــــــــــــــــــــــــــــــصيدةمـــــــــــــذ هـــــــــــلة


مُذهلة .. !
ماهي بس قصة حسن ...
رغم ان الحسن فيها بحد ذاته .. مشكلة

مُذهلة ..
كل شي فيها طبيعي .. ومو طبيعي
أجمل من الأخيلة
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

مُذهلة ..
تملأك بالأسئلة ..
هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !

مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل (لا معقول) فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

يا بدايات المحبة ..
يا نهايات الوله ..
كيف قلبي ما احبه ؟
وانتي قلبك صار له !
يا أعذب من الأمنيات ..
يا عالم من الأغنيات ..
يا أجمل الشعر البديع ..
من آخره لين أوله ..
ما راودتك الاسئلة ؟!
ليه عمري ما لقى لبرده دفى ..
الا دفاك ِ !
ليه قلبي ما بدقاته عزف لحد ٍ ..
سواك ِ !
ليه أنا عيني تشوف وماتشوف ..
الا بهاك ِ !

يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة...



قـــــــــــــــــــــــصيدة الحــــــــــــــرامي

احترامي.. للحرامي
صاحب المجد العصامي

صبر مع حنكة وحيطة
وابتدا بسرقة بسيطة

وبعدها سرقة بسيطة
وبعدها تعدى محيطه
وصار في الصف الأمامي

احترامي.. للحرامي
احترامي.. للحرامي

صاحب المجد العصامي
صاحب النفس العفيفة
صاحب اليد النظيفة
جاب هالثروة المخيفة
من معاشه في الوظيفة
وصار في الصف الأمامي

احترامي.. للحرامي
احترامي.. للحرامي

صاحب المجد العصامي
يولي تطبيق النظام
أولوية واهتمام
ما يقرب للحرام
إلا في جنح الظلام
صار في الصف الأمامي

احترامي.. للحرامي
احترامي.. للحرامي

صاحب المجد العصامي
يسرق بهمة دؤوبة
يكدح ويملي جيوبه
يعرق ويرجي المثوبة
ما يخاف من العقوبة
صار في الصف الأمامي

احترامي.. للحرامي
احترامي.. للحرامي

صاحب المجد العصامي
صار يحكي في الفضا
عن نزاهة ما مضى
وكيف آمن بالقضا
وغير حقه ما ارتضى
صار في الصف الأمامي
احترامي.. للحرامي

احترامي للنكوص
عن قوانين ونصوص
احترامي للفساد
وأكل أموال العباد
والجشع والازدياد
والتحول في البلاد

من عمومي للخصوص
احترامي


قـــــــــــــــــــــصيدة مســـــــــــــــاء الخــــــــــــــــير


مساء الخير والاحساس والطيبة مساء ما يليق إلا بأحبابي

مساء غير غصن لطير يحكي به عن اللي مسكنه جفني وأهدابي

هلا باللي أحبه كثر تعذيبه وكثر ما هو يغيب وكثر ترحابي

حبيبي هو ولو ما قصّر الغيبة ولو عن بسمتي قد طوّل غيابي

أعرفه زين وأعيتني أساليبه عدوي يوم ويوم أقرب من أصحابي

ملكني بين ترغيبه وترهيبه يفارقني وهو واقف على بابي

به الصادق به الغارق بأكاذيبه يبي بعدي ودمعه بلّل ثيابي

به القسوة به الرقة به الهيبة به الضعف القوي به نشوة إغضابي




اتمنى ان تنال اعجابكم ورضاكم

مــــــع تحياتي للجميع .....