مشكلة

[أبو معتز]

في عنا مشكلة بالنسبة للموتورات وهي أنو ما حدا عميسترجي يطالع متورو وأنو شارع العام ما بي ولا متور لدرجة أنو اللي بييجي عالقريتين بيفكر حالو بالصين

[محمد]

خير ان شاء الله
ليكون لانو الارض عم تزحلق

او بجوز للي بطالعو متورو ما بيرجع

[قرواني من شوقي اعاني]

مشــــــــــكور ابـــو معتز على المـــوضوع الرائــــــع

عــاد شـــو بدنا نســــاوي

الله بيعين

[حسمو الغالي]

السلام عليكم : الميتورات وسيلة للنقل و خاصة في القرى وليس لإثبات القدرات بالسرعة و ما ينتج عنها من حوادث لذلك لابد من وجود ضوابط و حلول لهذه المشكلة مع الشكر للجميع

[شوقي]

:frown::redface:
السلام عليكم : الميتورات وسيلة للنقل و خاصة في القرى وليس لإثبات القدرات بالسرعة و ما ينتج عنها من حوادث لذلك لابد من وجود ضوابط و حلول لهذه المشكلة مع الشكر للجميع


دخلك ليش بعد العصر تعج الشوارع بالموتورات ........... لأنه ذاهبون لأعمالهم
لو حصينا عدد الحوادث بالقريتين الناتجة عن الموتورات لعرفت انها لا تيتخدم فقط كوسيلة نقل ، بل لإثبات القدرات و الفشخرة .........

[شربوح]

بصراحه انا زرت القريتين ولاكن هناك مشكلة الموتورات التي يقودها بعض الشباب المستهتر بسرعه عاليه وعندما تطلب منه عدم السرعه يبادرك بالسباب والشتائم وبعض الالفاظ الغير لائقه هداهم الله @@@@@@@@@@@@

[لطيفه]

والله الضاهر في كثير من الاشياء بدها حسم في القريتين لان الحال متوقف عند تفكير معين المفروض الجيل الجديد يحاول يغير الاشياء الي ما بتنفع حدا تغيير ضمن المعقول يعني وين الي عما تقولو شخصيات في القريتين اي بدنا فعل مو قول وشهادات معلقه

[وايت هارت]

المتور عبارة عن روح لمستخدمه في القريتين وفي كثير ناس بتستخدمه لقضاء حاجياتها والترفيه حوالي البلد وبنفس الوقت في نسبةزعران بيستخدمو المتورات للزعرنة عند مدارس البنات وفي الشارع العام وهذول هني سبب المشكلة وبتسببوا بالكثير من الحوادث وترويع الناس .

فالموضوع بحاجة لتوعية من قبل أشخاص لهم قدرهم في المجتمع "اجتماعياً" بحيث يتم توعية الناس لتوصل لمرحلة بحيث اذا شب تزعرن بالمتور, الناس تنظرلو نظرة استحقار وبنفس الوقت يتم التواصل مع والده واخوانه ولومهم على هذا السلوك وتحميلهم مسؤولية هذا السلوك ( إلا اذا كان الأب والأخوة مثله ) فهون راح نفوت بالحيط .

[mulan]

توقعك بمحله اخ وايت هارت فتنا بالحيط و عفكرة اللي عميتسلبطوا عالشعب الفقير من اخواننا الشرطة بينقوا المعثر و الفقير و الزلمي الكبير اما شباب حارة اللي بالي بالك و زملائهم من الزعران من اصحاب المواتير اللي عميتجعر لساتها موجودة و عمتشي بنور الله في الطرقات

[أبو معتز]

كلامكم سليم والله
مشكورين أخواني على المرور

[ميس الريم]

الله يهدينا ويهديهم
والله يلي بدو يتزعرن مو هامه لا البلد ولا حتى اهله
والمصيبة بانه مثل هيك عالم مع قلة عددهم الا انهم مشوهين البلد
ما بعرفوا انه الميتور يلي عميتزعرنوا عليه غيرهم لولاه لا بروح على وظيفة ولا على كرم او حتى مراجعة دكتور
وماشاء الله عنا بالبلد الخير بخص والسيئة بتعم
وبالله المستعان

[أبو معتز]

والله كلامك صحيح بس شو بدنا نسوي الله يهدي الجميع
مشكورة لمرورك

[قرواني ومايهاب الموت]

ياعمي كل الكلام الي نحكى مزبوط هلق كلنا بنسرع مابنقول لا بس شو سبب هل السرعة انا كنت اسرع كثير وارجع اقول لحالي ليش عم اسرع بلمرة الجاي معاد اسرع وبرد اسرع اخي صارت عادة والسرعة صارت روتين وعلى فكرة مو بس الشباب الي مثل مابيقولو مو متعلمين بيسرعة انا شفت ناس بيسرعو على اكثر ومتعلمين ومدرسين ياسيدي ومثقفين ما دخل العلم بهل الشغلة وانا بتحدى كل واحد يركب متور انو ما سرع بحياتو كل الناس بتسرع بس مش لدرجة الجنون يعني اكثر ضحايا الشبا من السرعة




http://quran.maktoob.com/vb/up/1771895227874863312.gif

[سلطان الهلال]

بالحقيقة ما بعرف شو بدي ارد

لا نو اني مقيم بالرياض ومابعرف القريتين غير بالصيف وعشان هيك

ممممممم نسأل العلي القدير الهداية للجميع

وان شاء الله تتغير الحال للأحسن

وفعلا مثل ماذكر البعض الخير بيخص والشر بيعم

تحياتي للجميع

[أبو معتز]

مشكور على الرد ومنور المنتدى بتسجيلك